حبيبي

يبه شلونك

ملل هالكون من دونك .. يبه شلونك ؟؟

وتمضي رحلة الدنيا.. بليا طله عيونك.. يبه شلونك ؟؟

وشلون المرض وياك ؟؟ بعد ماهدك بدنياك.. عساها تغمض جفونك ؟؟

تبي تدري عن أحبابك ؟؟ عن عيون تغنا بك ؟؟ عن قلوب دفنها الشوق.. واذا جاها الغفا جابك ؟؟ يبه أمي تخيلك دوم.. تغني لك مع القمرا

.. يبه واللي خذاك بيوم.. خذا بكريتك عفرا.. خذا.. و ياما خذا.. و ياما..

خذا ناس يحبونك

يبه حنا غدينا كبار.. توفقنا وتخرجنا.. يبه ما عاد فيه صغار..

يموج بهالزمن كل شي.. وحنا ما تموجنا..

على ذاك العهد نسري.. نبيع العمر والدنيا.. ولا تخلف بنا ظنونك يبه شلونك ؟؟

تبي تدري عن أخباري ؟؟ عن أفكاري وتذكاري ؟؟

أشيلك داخلي جمره .. وبعيون الحزن عبره.. تغرقني .. وتحرقني.. أشوفك نجمة تجبر.. مراعيها .. يراعيها.. وأشوفك للرجولة اسم.. إذا شد الزمن تقسى.. واحلم من معاني الحلم.. أحسك مقبل بكرى.. وعيا لإيجي بكرى !! يبه تذكر زمان مر؟؟ لا قالوا عمر؟؟ هو أحلى ما بهذا العمر..

يبه تذكر مجالسنا ؟ مقلطنا ومجلسنا ؟ وحارتنا ومسجدنا ؟

يبه تذكر هدايا العيد ؟ صلاة العيد؟ وبشت العيد؟ يبه تذكر سوالفنا ؟

لأجل هذا .. وكل هذا .. أقول اليوم يا حبيبي ..

ملل هالكون من دونك

——————–

أبيات أعجبتني ونقلتها لكم لكني لا أعرف كاتبها

13 فكرة على ”حبيبي

  1. خنقتني العبرة وانا اقرا كلماتك😦
    الله يرحمة ويسكنه فسيح جناته
    كان والدك معكم ورحل ، وجميعنا سنرحل عن هذي الدنيا
    الله يغفر له ولجميع المسلمين

  2. عجيب ما كتبته ..
    نثرتِ ملح على جرح ما زال ينزف ..
    كيف استطعت كتابة هذا !!
    **
    فقدتِ غاليا عليك غائبا تحت الأرض ..
    وفقدتُ (حبيبا) غائبا ، فوق الأرض ..

    **
    أسمحي لي ، (سرقت)كلماتك ، لاحتفظ
    بها تحت وسادتي ..

    لك الود ..

  3. ندى الفجر ،،، زيارتك هي الأجمل ، وحفظك ربي🙂

    mbet0hm ، خرافة ،،، ليست بكلماتي انما هي كلمات وصفت ما يدور بداخلي فنقلتها ، كاتبها عرف يرسم صورة الجرح
    الله يرحمه ويغفر له ويغفر لموتى المسلمين ويفك اسر المأسورين
    نورتو مدونتي🙂

  4. رد الأب:

    يابنتي يابعد عمري
    انا ودعت فادعي لي
    عمر خلّص وأنهيته
    بقى عمرك ياعمري انتي
    يابنتي يكفي اللوعة
    يابنتي تكفي العبره
    يابنتي هذي الدنيا
    عسى ربي يسامحها
    خذتني فجأة عنك
    وصوتك صار يصحبني
    احبك موت وانا بالموت
    احبك يابعد سلواي
    كتمت الحب في دنياي
    ولا اخبرت ياعمري
    ولكن بعد ماراحوا
    تركوني نايم ممدد
    تذكرتك على بالي
    بغيت اطلع واركض لك
    ولكن ماقدرت اطلع
    لقيت اصخور قدامي
    ولكن انتي انفاسي
    بعد ماقطعت انفاسي
    يابنتي لاتناسيني
    يابنتي لاتخليني
    بدعواتك ودعواتك
    سلامي لك وكل البيت
    ترى والله احبه زود
    نعم اذكر مجالسنا
    نعم اذكر سوالفنا
    نعم اتذكر البسمات
    بعد اذكر تمازحنا
    ذكرتي يوم اصوت لك
    وعند الباب اناديكي
    وانتي تلبسين حجاب
    واقول ابسرعه صيفنا
    وجيتي تركضي يمي
    وقلتي خلاص مشينا نروح
    ذكرتي يوم نروح البر
    ونقعد ناكل البسباس
    ونلعب مع بعض واصراخ
    ذكرتي ياامل دنياي
    ضحكت وكنت مستانس
    لعبت وكنت سلواكم
    وماظنيت في لحظه
    افارق وابتعد عنك
    نصيحة اسعدي عمرك
    ولا تبكين ارجوكي
    وشوفي كل هالدنيا
    تراها ماتساوي شي
    ألا ياليت ارجعها
    ولو ساعة واقول الله
    واسبح واذكر الخالق
    وبعده اخذك يمي
    وابوسك بوسة موادع
    واطبعها بعالي الراس
    سلم راسك وانفاسك
    سلامي يابعد عمري

  5. أبيات جميلة للشاعر “سالم سيار”، شاعر جميل، كتب عن الوطن، الأم والطفل. مسرحي أكثر ما يشدني له نبرة إلقائة، أحتفظ بالعديد من قصائدة، الابيات السابقة له.

    إختيار موفق

  6. سامحك الله يا اوركيد…

    اثرت شجوني بهذه القصيدة..

    سالت دموعي مع كل كلمة قراتها… تذكرت والدي الذي توفي منذ تسع سنين..

    تذكرت كيف تمكن منه المرض في اخر ايامه …

    كنت اشفق عليه عنما لم يعد قادرا على الذهاب للمسجد وهو الذي لم تفقده روضة المسجد منذ ان بدأت اميز الاشياء.
    كنت اشفق عليه عندما اراه جالسا في مكانه لا يتحرك الا لماما.. وقد كان كالذئب يهرول متنقلا هنا وهناك.
    كنت اشفق عليه.عندما كنت احمله بين يدي..لانزله من سريره او ارجعه اليه…وهو الذي حمل مسؤوليات اسرة وهو طفل صغير..
    اشفقت عليه كثيرا عندما بدأت اعضاؤه بالتخلي عنه …فشلت كليتيه, ضعف بصره, اضطرب قلبه, وهنت عظامه حتى وافاه الاجل.
    رحمك الله ياوالدي فقد ثلمت حياتي بوفاتك…

  7. شكراً لكل من علق هنا وفعلاً اسعدني مروركم الكريم

    علي الريعان ، ما نقلت من أبيات أبكاني والله كان اختيار موفق ورائع جداً ومؤثر شكراً لك

    sa3ad ، رحم الله أباك وأبي وغفر لهم وجعل مثواهم جنة الفردوس وجعل ما أصابهم كفاره ورفع لدرجاتهم
    شكرا لمرورك

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s