Mac & Me
السلام عليكم
من فترة وأنا استخدم الـ Pc وكنت مستمتعه فيه ودائماً أحاول أكتشف فيه شي جديد
الفترة الحالية أستخدم الـ Mac ولله درك يا Mac
متعة الإستخدام و رقي التعامل ، كنت أقول أن اللي دائماً يتكلمون عنه يبالغون فكلها أجهزة مع إختلاف الماركات والانظمة مافيه شي مميز
لكن بصراحة الـ Mac قدم صورة لما كنت أتمنى وأكثر
الواجهه والإيقونات وطريقة عرضها رائعة
البرامج شغل احترافي
الاستخدام اللي كثير يردد إنه صعب قمة في السهولة
كل شي تقريبا فيه حلو
لكن 
مشكلته مشكلة فالعيب الوحيد اللي قابلته في الفترة كلها وقهرني ، حرارة الجهاز شي مو طبيعي بالمره
اجهزتي السابقة ( توشيبا – ايسر ) عمرها ما احترت بالطريقة هذي مع أني اخليها احيانا يومين متواصله و تمر ساعات بدون مكيف ،،
هذا احطه واحط تحته شبك للاورق ( مستطيل اقلبه واحطه فوقه ) وفي وجه المكيف ومع هذا يفووووووووووووووووووووووح حرارة
بطاريته فجأة اللي كانت تشتغل ٤ ساعات صارت تشتغل ساعتين والان ساعة وكل هذا خلال اسبوع
اذكر أول ما شريته جلست اقلب فيه واقول وين فتحات المروحة لكني ما لقيت جواب
وهذا ما جاء في باب الـ Mac & Me
دمتم ،
