الحلم قرب يصير حقيقة

السلام عليكم

صباح العبير والفل والياسمين ،كيف حال الجميع

أممممممممممممممممممممم من وين أبدا ؟؟

اليوم رحت للمدرسة على أساس أخذ إشعاري والجدول ، لما دخلت المكتب الكل يسلم علي و الابتسامة ما تفارقهم

سلمت وقلت جايه أخذ إشعاري

وقفت الأستاذة نورة وطلعت لي الإشعار وقالت شدي حيلك بالمواد حقت الفصل الأول

و قاطعتها مراقبة ثانيه قائلة : أنا أطلعت على اختباراتك وكل علاماتك فيها ممتازة ، فلا يهمك أحد و شدي حيلك في الباقي

وجلست اضحك معهم و سولفنا شوي وكلهم يدعون لي

أخذت إشعاري وكانت نتيجتي أني نجحت في كل موادي اللي اختبرتها ما عدا اللي غبت فيها و مواد الفصل الدراسي الأول اللي ما حضرته

الصراحة إني دخلت الاختبارات من باب التجربة والمتعة لكن بعد النتيجة ، كأني تحمست شويتين اممممممممم الصدق مو شويتين إلا كثير تحمست وفي نفس الوقت تملكني شعور بالإحباط

أمي صارت تحمسني فقلت لها لو دخلت الإختبار و رسبت صدقيني بصيييييييييييييييييييييييييييح

عدت الأيام هذي على خير يارب لك الحمد طبعا أول ما وصلت البيت أرسلت رسالة أبشر شخصيتين كانوا مهتمين لي كثير ربي يسعدهم

فكان الرد الأول علي هو

” ألف ألف مبروك … يالله . الحلم قرب يصير حقيقة . بإذن الله يتحقق . الله يوفقك ” منها أخذت العنوان:)

والثانية

” مليون مبروك وعقبال الباقي لك هدية كبيره إذا تخرجتي …. ” عساني أتخرج وأشوف وش ذا الهدية الكبيرة — > أحب الهدايا

في النهاية أنا حابه أكافئ نفسي على مجهودي وصبري و على النتيجة اللي كنت متوقعه عكسها

ما بعد قررت أيش راح تكون المكافئة