حبيبي

يبه شلونك

ملل هالكون من دونك .. يبه شلونك ؟؟

وتمضي رحلة الدنيا.. بليا طله عيونك.. يبه شلونك ؟؟

وشلون المرض وياك ؟؟ بعد ماهدك بدنياك.. عساها تغمض جفونك ؟؟

تبي تدري عن أحبابك ؟؟ عن عيون تغنا بك ؟؟ عن قلوب دفنها الشوق.. واذا جاها الغفا جابك ؟؟ يبه أمي تخيلك دوم.. تغني لك مع القمرا

.. يبه واللي خذاك بيوم.. خذا بكريتك عفرا.. خذا.. و ياما خذا.. و ياما..

خذا ناس يحبونك

يبه حنا غدينا كبار.. توفقنا وتخرجنا.. يبه ما عاد فيه صغار..

يموج بهالزمن كل شي.. وحنا ما تموجنا..

على ذاك العهد نسري.. نبيع العمر والدنيا.. ولا تخلف بنا ظنونك يبه شلونك ؟؟

تبي تدري عن أخباري ؟؟ عن أفكاري وتذكاري ؟؟

أشيلك داخلي جمره .. وبعيون الحزن عبره.. تغرقني .. وتحرقني.. أشوفك نجمة تجبر.. مراعيها .. يراعيها.. وأشوفك للرجولة اسم.. إذا شد الزمن تقسى.. واحلم من معاني الحلم.. أحسك مقبل بكرى.. وعيا لإيجي بكرى !! يبه تذكر زمان مر؟؟ لا قالوا عمر؟؟ هو أحلى ما بهذا العمر..

يبه تذكر مجالسنا ؟ مقلطنا ومجلسنا ؟ وحارتنا ومسجدنا ؟

يبه تذكر هدايا العيد ؟ صلاة العيد؟ وبشت العيد؟ يبه تذكر سوالفنا ؟

لأجل هذا .. وكل هذا .. أقول اليوم يا حبيبي ..

ملل هالكون من دونك

——————–

أبيات أعجبتني ونقلتها لكم لكني لا أعرف كاتبها